Nazarboyev: Jahon iqtisodiyotini yangi sanoat inqilobi jonlantiradi

Jahon iqtisodiyotini jonlantirish uchun yangi sanoat inqilobi, innovatsiyalar va texnologiyalar asos bo‘la oladi. Qozog‘iston prezidenti Nursulton Nazarboyev G20 sammitida ana shunday fikr bildirdi. 

"Qozog‘iston prezidenti yangi sanoat inqilobi, raqamli iqtisodiyot va innovatsiyalarni jahon iqtisodiyotini jonlantirishga yo‘naltirilgan tadbir sifatida taklif qildi", - deyiladi davlat rahbarining rasmiy saytidagi xabarda. 

"Bu vazifani faqatgina inklyuziv tamoyillarga tayanib, amalga oshirish mumkin. G20 va rivojlanayotgan mamlakatlar o‘rtasida muloqot markazini aniqlab olish zarur", - dedi Nazarboyev. 

Qozog‘iston prezidentining ta'kidlashicha, butun dunyoda, shu jumladan rivojlanayotgan davlatlarda ham valyuta kurslarini barqarorlashtirish bo‘yicha takliflar ishlab chiqish lozim. 

Shuningdek Nazarboyev iqtisodiyotni tartibga solish uchun yagona global tashkilot tuzish taklifini kiritdi.