Rafiqaning ukasi yaqin qarindosh hisoblanadimi?

SAVOL: Yaqin qarindoshlarga kimlar kiradi? Shuningdek xotinimning ukasi, ya'ni qaynim yaqin qarindoshga kiradimi?

E.Rahimberdiyev

JAVOB: Oila kodeksining 57-moddasiga asosan  bir umumiy uchinchi shaxsdan (ajdoddan) kelib chiqqan shaxslar qarindoshlar hisoblanadi. Ikki shaxs o‘rtasidagi to‘g‘ri shajara bo‘yicha qarindoshlikning yaqinligi qarindoshlik darajasi, ya'ni tug‘ilish soni bilan belgilanadi.

Shuningdek, Jinoyat kodeksiga muvofiq, yaqin qarindoshlar deganda, qarindosh yoki quda tomondan qarindosh bo‘lgan shaxslar, ya'ni ota-ona, tug‘ishgan va o‘gay aka-uka va opa-singillar, er-xotin, farzand, shu jumladan farzandlikka olinganlar, bobo, buvi, nevaralar, shuningdek er-xotinning ota-onasi, tug‘ishgan va o‘gay aka-uka va opa-singillari tushuniladi.

Savolga huquqshunos Nafisa Usmonova javob berdi.

Eslatma: «Yuridik xizmat minbari»da savollarga berilayotgan javoblar tavsiyaviy xarakterga ega.