Nepallik sherpa Everestga 24 marta ko‘tarilib, jahon rekordini yangiladi

Nepallik sherpa Kami Rita dunyodagi eng baland cho‘qqi - Everest tog‘ini (8848 metr) - 24 marta zabt etib, yangi jahon rekordi o‘rnatdi. Bu haqda NDTV telekanali xabar bermoqda.

Uning ma'lumotlariga qaraganda, 49 yoshli alpinist shu tarzda 15 may kungi o‘z rekordini yangiladi. 1994 yilda u bu toqqa birinchi marta chiqdi va so‘nggi 25 yil ichida Everestga 24 marta ko‘tarildi, deya ta'kidlaydi telekanal.

Sherpaning o‘zi hayotida dunyodagi eng murakkab va xavfli cho‘qqilarning aksariyatini, shu jumladan, Kanchenjunga (8586 m), Cho-Oy (8188 m), Lhotze (8156) va boshqalarni zabt etganini aytdi.

Eng yuksak cho‘qqiga birinchi marta ko‘tarilish 1953 yil 29 mayda sherpa Tensing Norgey va yangi zelandiyalik Edmund Hillari tomonidan amalga oshirilgan.