Kutilmagan burilish – Shimoliy Koreyada pullik yo‘llar paydo bo‘ladi

2018 yilning 20 yanvaridan Shimoliy Koreyadagi asosiy avtomagistrallar pullik bo‘ladi. Bu haqda Rossiyaning KXDRdagi elchixonasi "Feysbuk"da xabar bergan.

Xabarda aytilishicha, Pxenyan – Vonsan sayyohlik trassasi ham pullik bo‘ladi. Ta'kidlanishicha, u yerda toll-geytlarni o‘rnatish ishlari olib borilmoqda.

- Endilikda Shimoliy Koreya poytaxtidan Yapon dengizi qirg‘og‘idagi Vonsan sohilbo‘yiga borishni xohlagan odamlar o‘z yengil mashinasi uchun sakkiz yevro to‘lashi kerak bo‘ladi, - deyiladi diplomatik missiya xabarida.

Vakolatxonadan ta'kidlashlaricha, yangilik ham chet elliklar, ham mahalliy fuqarolarga taalluqli bo‘ladi.

Tezyurar avtomagistraldan foydalanish uchun yig‘imga to‘lovni amalga oshirish "Mire" elektron hisoblash kartasi yordamida amalga oshiriladi.