“Dardni ichga yutish - depressiyani kuchaytiradi”

Kun.uz jamiyatda suitsid holatlari tahliliga yondasharkan, suhbatda qatnashganlar fikricha, depressiya, o‘z fikrini bildira olmay, tushkunlikka tushish, hayotdagi maqsadlaridan ayrilish - suitsid tomon yurishga sabab bo‘ladi. Ijtimoiy faol Dilrabo Norqulova fikricha, dardni ichga yutish - depressiyani kuchaytiradi.

{Yii::t(}

O'tkazib yuborish 6s

O'tkazib yuborish

“Jamiyatimizda ruhiy muammolar haqida gapirishdan qo‘rquv bor. Hammasini ichiga yutishga o‘rganib, moslashib qolganmiz. Ko‘pchilik hanuzgacha “psixologga borish”ni zaiflik, “depressiya”ni esa irodasizlik deb biladi va ichki og‘rig‘ini yashiradi, yordam so‘rashdan tortinadi. Bu esa ruhiy tushkunlik xavfini yanada oshiradi”, — deydi u.

Mutaxassisga ko‘ra, suitsidning ildizi ko‘pincha muammolarni yashirish va uni atrofdagilar eshitmasligida bo‘ladi. Odam iztiroblarini kimgadur aytib yoki san’at orqali to‘kib-sochib, ichidan chiqarib yuborishi kerak. Dardlar to‘planib, chuqur depressiyani hosil qiladi va suitsid xavfini oshiradi.

Intervyuni to‘liq holda Kun.uz’ning YouTube’dagi sahifasida tomosha qilishingiz mumkin.