Farg‘ona shahrida bayram kuni transport qatnovi uchun yopiladigan ko‘chalar ro‘yxati e'lon qilindi

Farg‘ona viloyati IIV yo‘l harakati xavfsizligi boshqarmasi «Navro‘z» umumxalq bayrami munosabti bilan 21 mart — Navro‘z umumxalq bayrami kuni viloyat markazi Farg‘ona shahrida barcha turdagi transport vositalari harakati cheklanishi rejalashtirilgan ko‘chalar ro‘yxatini ma'lum qildi.

Kun.uz tahririyatiga taqdim etilgan ma'lumotga ko‘ra, bayram kuni yopiladigan ko‘chalar ro‘yxati:

• Alisher Navoiy ko‘chasi – O‘zbekiston ovozi – Yuksalish ko‘chalari kesishmasidan Islom Karimov nomidagi kichik halqa yo‘liga qadar;
• Yuksalish ko‘chasiga tutash bo‘lgan – Nurobod – Nurafshon – Oftob ko‘chalari;
• Islom Karimov nomidagi kichik halqa avtomobil yo‘lining Yuksalish ko‘chasi kesishgan chorrahasidan bunga tutash Qashqar qishloq va E'tiqod ko‘chasi kesishgan chorrahasigacha;
• Ahmad Al-Farg‘oniy istirohat bog‘iga olib boruvchi Ahmad Al-Farg‘oniy ko‘chasi – Universitet ko‘chasi chorrahasidan Ahmad Al-Farg‘oniy – Qomus ko‘chalari chorrahalarigacha;
• Universitet – Istirohat chorrahasidan Universitet – Turon ko‘chalari chorrahasigacha;
• Vatan ravnaqi – Murabbiylar ko‘chalari chorrahasidan Burhoniddin Marg‘inoniy – Murabbiylar ko‘chalari chorrahasigacha;
• Burhoniddin Marg‘inoniy – Sayilgoh chorrahasidan Ma'rifat – Sayilgoh ko‘chalari chorrahasigacha;
• Qirguli mavzesidagi «Kimyogar» yoshlar madaniy markaziga olib boruvchi Farg‘ona – O‘zbekiston ko‘chalari chorrahasidan Marg‘ilon – O‘zbekiston ko‘chalari chorrahasigacha;
• Yuksalish ko‘chasida joylashgan «Orom» bolalar bog‘iga olib boruvchi Yuksalish – Yangi turon – Fayzulla Xo‘jayev chorrahasidan Yuksalish ko‘chasiga tutash bo‘lgan Vatan ko‘chasi kesishgan qismigacha;
• Yuksalish ko‘chasida joylashgan «Hayvonot bog‘i»ga olib keluvchi olib boruvchi Yuksalish ko‘chasining Abdulla Qodiriy ko‘chasiga burilish qismidan Aylanma harakatgacha bo‘lgan qismi; 

Shuningdek, 20–22 mart kunlari bayram tadbirlari o‘tkaziladigan madaniyat va istirohat bog‘lariga tutash ko‘chalarda xalq sayli vaqtida vaziyat taqozo etganda transport vositalarining qatnovi vaqtincha to‘xtatilishi rejalashtirilmoqda.