Фарғона шаҳрида байрам куни транспорт қатнови учун ёпиладиган кўчалар рўйхати эълон қилинди

Фарғона вилояти ИИВ йўл ҳаракати хавфсизлиги бошқармаси «Наврўз» умумхалқ байрами муносабти билан 21 март — Наврўз умумхалқ байрами куни вилоят маркази Фарғона шаҳрида барча турдаги транспорт воситалари ҳаракати чекланиши режалаштирилган кўчалар рўйхатини маълум қилди.

Kun.uz таҳририятига тақдим этилган маълумотга кўра, байрам куни ёпиладиган кўчалар рўйхати:

Алишер Навоий кўчаси – Ўзбекистон овози – Юксалиш кўчалари кесишмасидан Ислом Каримов номидаги кичик ҳалқа йўлига қадар;
Юксалиш кўчасига туташ бўлган – Нуробод – Нурафшон – Офтоб кўчалари;
Ислом Каримов номидаги кичик ҳалқа автомобил йўлининг Юксалиш кўчаси кесишган чорраҳасидан бунга туташ Қашқар қишлоқ ва Эътиқод кўчаси кесишган чорраҳасигача;
Аҳмад Ал-Фарғоний истироҳат боғига олиб борувчи Аҳмад Ал-Фарғоний кўчаси – Университет кўчаси чорраҳасидан Аҳмад Ал-Фарғоний – Қомус кўчалари чорраҳаларигача;
Университет – Истироҳат чорраҳасидан Университет – Турон кўчалари чорраҳасигача;
Ватан равнақи – Мураббийлар кўчалари чорраҳасидан Бурҳониддин Марғиноний – Мураббийлар кўчалари чорраҳасигача;
Бурҳониддин Марғиноний – Сайилгоҳ чорраҳасидан Маърифат – Сайилгоҳ кўчалари чорраҳасигача;
Қиргули мавзесидаги «Кимёгар» ёшлар маданий марказига олиб борувчи Фарғона – Ўзбекистон кўчалари чорраҳасидан Марғилон – Ўзбекистон кўчалари чорраҳасигача;
Юксалиш кўчасида жойлашган «Ором» болалар боғига олиб борувчи Юксалиш – Янги турон – Файзулла Хўжаев чорраҳасидан Юксалиш кўчасига туташ бўлган Ватан кўчаси кесишган қисмигача;
Юксалиш кўчасида жойлашган «Ҳайвонот боғи»га олиб келувчи олиб борувчи Юксалиш кўчасининг Абдулла Қодирий кўчасига бурилиш қисмидан Айланма ҳаракатгача бўлган қисми;

Шунингдек, 20–22 март кунлари байрам тадбирлари ўтказиладиган маданият ва истироҳат боғларига туташ кўчаларда халқ сайли вақтида вазият тақозо этганда транспорт воситаларининг қатнови вақтинча тўхтатилиши режалаштирилмоқда.