Қўшимча функционаллар
-
Тунги кўриниш
Адлия вазирлиги ноқонуний пойгалар учун жавобгарлик жорий этиш бўйича таклиф киритди
Таъкидланишича, йўлларда ноқонуний ташкил этилаётган пойгалар йўл ҳаракати иштирокчиларининг хавфсизлигига, аҳолининг осойишталигига жиддий хавф солиб, инсон ўлимигача бўлган ўта салбий оқибатларга олиб келмоқда.
Фото: Ижтимоий тармоқлар
Адлия вазирлиги ташаббуси билан ноқонуний пойгаларни ташкил этганлик ва унда иштирок этганлик учун маъмурий ва жиноий жавобгарлик чораларини назарда тутувчи қонун лойиҳаси ишлаб чиқилди. Бу ҳақда «Ҳуқуқий ахборот» хабар берди.
Қайд қилинишича, йўлларда ноқонуний ташкил этилаётган пойгалар йўл ҳаракати иштирокчиларининг хавфсизлигига, аҳолининг осойишталигига жиддий хавф солиб, инсон ўлимигача бўлган ўта салбий оқибатларга олиб келмоқда. Бу эса аҳолининг, шу жумладан йўл ҳаракати иштирокчиларининг ҳақли эътирозлари ва хавотирларига сабаб бўлмоқда.
Шуни инобатга олиб, Адлия вазирлиги йўлларда ноқонуний пойгаларни ташкил этиш оқибатида вужудга келаётган йўл-транспорт ҳодисаларини олдини олиш мақсадида маъмурий ва жиноий жавобгарликни жорий этишни назарда тутувчи қонун лойиҳасини ишлаб чиқиб, манфаатдор вазирлик ва идораларга келишиш учун киритди. Хабарда жавобгарлик қандай бўлишига аниқлик киритилмаган.
Таъкидланишича, қонун лойиҳаси 17 феврал куни манфаатдор вазирлик ва идораларга келишиш учун юборилган. Белгиланган тартибда келишилганидан сўнг, жамоатчилик муҳокамасига қўйилади.
Мавзуга оид
10:49 / 04.03.2026
Тошкентда ЙҲХХ йиғилиши: “шашка”, дрифт ва пойга видеоларига қарши чоралар кучайтирилади
17:57 / 14.01.2026
Хавфсизлик камарини тақмасликка рухсат бериладиган касалликлар рўйхати тасдиқланди
20:31 / 02.11.2025
Энди айрим йўл ҳаракати қоидабузарликлари учун дастлаб огоҳлантириш берилади
21:31 / 16.09.2025