Владимир Путин 26-27 май кунлари Ўзбекистонда бўлади
Ўзбекистон – РФ раҳбарининг янги муддатга сайланганидан сўнг Хитой ва Беларусдан кейинги учинчи хорижий манзили бўлади. Ўзбекистон ва Россия ўртасида бир нечта ҳужжатларни имзолаш режалаштирилган.
Россия президенти Владимир Путин 26-27 май кунлари Ўзбекистонга ташриф буюради. Бу ҳақда маълум қилган Путиннинг ёрдамчиси Юрий Ушаковга кўра, ташриф давомида қатор ҳужжатларни имзолаш кўзда тутилган.
“Ҳозирча шуни айта оламанки, бугун-эртага Беларусга ташриф бўлади, якшанба-душанбада эса – Ўзбекистонга”, – деган Ушаковнинг сўзларини келтирди “Интерфакс”.
Ташриф давомида қандайдир ҳужжатлар имзоланиши кутиляптими, деган саволга, президент ёрдамчиси: “Ҳа, режалаштириляпти. Бир нечта ҳужжатлар” дея жавоб берган.
Ўзбекистон – РФ раҳбарининг янги муддатга сайланганидан кейинги учинчи хорижий манзили бўлади. Владимир Путин 16-17 май кунлари Хитойда бўлган, 23-24 майда эса Беларусда меҳмон бўлади.
Эслатиб ўтамиз, 21 май куни Ўзбекистон президенти Шавкат Мирзиёев россиялик ҳамкасби билан телефон орқали мулоқот қилганди. Унда Путиннинг Ўзбекистонга кутилаётган давлат ташрифи ҳам муҳокама қилинган.
Мавзуга оид
23:02 / 25.09.2024
Путин: «Бизга оддий қурол билан ҳужум ҳам ядро зарбасига асос бўлади»
19:43 / 25.09.2024
Россиялик мулозимлар ва The Washington Post таҳлилчилари Кремлнинг ядровий таҳдидлари «энди ҳеч кимни қўрқитмайди» дейишмоқда
23:20 / 23.09.2024
Кремл Путиннинг янги ядровий ракеталари синови муваффақиятсиз кечганидан бехабар эканини маълум қилди
10:50 / 21.09.2024