Ўзбекистон | 09:37 / 01.05.2024
3839
1 дақиқада ўқилади

Ўзбекистон Бибихоним масжиди реконструкцияси бўйича лойиҳани амалга ошираётган Қатарга миннатдорлик билдирди

Қатар тараққиёт жамғармаси билан қўшма лойиҳалар ишлаб чиқилади.

Фото: "Дунё" АА

Ўзбекистон элчиси Ашраф Хўжаев Қатар тараққиёт жамғармаси (QFFD) бош директори ўринбосари Султон Ал-Асийрий билан учрашув ўтказди, деб хабар қилмоқда "Дунё".

Элчи QFFD билан ҳамкорликда Самарқанддаги Бибихоним масжидини реконструкция қилиш лойиҳаси амалга оширилаётгани учун Қатар томонига миннатдорлик билдирди.

Учрашув давомида таълим, соғлиқни сақлаш, ва иқтисодий имкониятларни кенгайтириш йўналишларида қўшма лойиҳаларини ишлаб чиқиш масалалари муҳокама қилинди.

Ўзбекистонда аҳолини ижтимоий ҳимоя қилиш йўналишида олиб борилаётган кенг кўламли ишларда хорижий ҳамкор сифатида Қатар тараққиёт жамғармасини жалб қилишга келишилди.

Отабек Матназаров
Тайёрлаган Отабек Матназаров
Kun.uz янгиликларини Google News'да кузатинг
+ Обуна бўлиш

Мавзуга оид