Вазирлик педагогика университети декан ўринбосари билан боғлиқ воқеа юзасидан муносабат билдирди

Фото: ТДПУ
Олий ва ўрта махсус таълим вазирлиги интернет сайтлар ва ижтимоий тармоқларда тарқалган хабарлар юзасидан расмий баёнот бериб, ушбу ҳолатга йўл қўйган университет раҳбарияти ва масъулларига нисбатан ҳам қатъий ташкилий ва интизомий чоралар кўрилишини маълум қилди.
«Бугун интернет сайтлар ва ижтимоий тармоқларда Низомий номидаги Тошкент давлат педагогика университети декан ўринбосари томонидан талаба қизни зўрлашга уринилгани тўғрисида хабарлар тарқалди.
Ҳозирда мазкур воқеа юзасидан ҳуқуқни муҳофаза қилувчи органлар Олий ва ўрта махсус таълим вазирлиги билан ҳамкорликда ўрганиш ва суриштирув ишларини олиб бормоқда.
Ўрганиш натижалари бўйича жиноятда гумонланувчи университет масъул ходимига нисбатан қонунчиликда белгиланган чоралар кўрилади. Шунингдек, ушбу ҳолатга йўл қўйган университет раҳбарияти ва масъулларига нисбатан ҳам қатъий ташкилий ва интизомий чоралар кўрилади.
Олий ва ўрта махсус таълим вазирлиги талаба-қизларнинг шаъни ва номусига қарши ҳар қандай хатти-ҳаракатларни кескин қоралайди ва албатта, бу каби ҳолатларга қарши қатъий курашади.
Тез орада бундай ҳолатларнинг олдини олиш мақсадида тезкор мурожаат қилиш имконини берадиган махсус портал яратилади ҳамда ишга туширилади.
Ўрганишлар натижаси бўйича объектив тафсилотлар қўшимча тарзда маълум қилинади», дейилади баёнотда.
Бундан олдинроқ Nemolchi.uz лойиҳаси талаба Муштарийбону Камилованинг мурожаатини эълон қилганди. Унга кўра, 18 октябрь куни ушбу талаба Зулфия номидаги давлат мукофотига тавсиянома олиш мақсадида ёшлар ишлари бўйича декан ўринбосари Боғабек Юлдашевнинг хонасига кирган ва у шу ерда ҳужумга учраган.
Бош прокуратура матбуот хизмати хабар беришича, Тошкент давлат педагогика университети талабасини зўрлашга қаратилган хатти-ҳаракатлар амалга оширилгани ҳақидаги хабар Тошкент шаҳар прокуратураси томонидан ўрганиб чиқилмоқда ва натижалари маълум қилинади.
ИИВ матбуот котиби Шоҳрух Ғиёсов декан ўринбосари Боғабек Юлдашевга нисбатан 19 октябрь куни ЖКнинг 118- (номусга тегиш) ва 105- (қасддан баданга ўртача оғир шикаст етказиш) моддалари билан жиноят иши қўзғатилгани, у 23 октябрь куни қўлга олингани ҳақида маълум қилди.
Тавсия этамиз
Ёзда топ-клублар «талашиши» кутилаётган 11 ҳужумчи
Спорт | 15:30 / 01.04.2025
Контейнерни ўқув марказига айлантирган водиллик талаба ҳикояси
Жамият | 09:03 / 01.04.2025
Европа учта муаммо исканжасида қолди — Раббимов
Жаҳон | 21:00 / 31.03.2025
Самарқанд шаҳрига кириш йўллари вақтинча ёпилади
Ўзбекистон | 21:35 / 30.03.2025
Сўнгги янгиликлар
-
Трамп бутун импортга 10 фоизлик бож жорий этди ва 60 та давлатга нисбатан янада юқори тарифлар киритди
Жаҳон | 07:43
-
Трамп Маскни Оқ уйдан бўшатади — Politico
Жаҳон | 07:41
-
Испания кубоги. «Барселона» «Атлетико»ни яримфиналда қолдириб кетди. Финалда «Эл Класико» бўлади
Спорт | 02:38
-
NASA космик кемаларни ҳимояловчи янги технологияни синовдан ўтказди
Фан-техника | 01:07
Мавзуга оид

11:55 / 08.02.2025
Автобусда вояга етмаган болага тегажоғлик қилган шахсга нисбатан терговга қадар текширув бошланди

14:54 / 07.02.2025
Уятсиз-бузуқларга учраётган болалар ёхуд “шилқимлик” ниқобида жиноятдан қутулиб қолаётган катталар: суд ва прокуратура қаёққа қараяпти?

11:06 / 20.12.2024
Тошкентда уч эркак ҳомиладор аёлга тегажоғлик қилгани учун 10 суткага қамалди

19:10 / 27.09.2024