Қўшимча функционаллар
-
Тунги кўриниш
Паррандачилик корхоналари 5 йилга ер солиғидан озод қилинади
Президентга чорвачиликни ривожлантиришга доир таклифлар берилди. АҚШ ҳамкорлигида паррандачиликка генетик технологияларни жорий этиш, парранда гўшти экспортига рухсат бериш режалаштирилган.
Фото: Президент матбуот хизмати
Президент Шавкат Мирзиёев 25 июн куни чорвачилик тармоқларини ривожлантириш бўйича таклифлар тақдимоти билан танишди.
Жаҳон бозорида парранда генетикасининг 80 фоизи АҚШ компаниясига тўғри келади. Шу боис улар билан ҳамкорликда паррандачиликда генетик технологияларни жорий қилиш ва наслчилик хўжаликлари ташкил этиш режалаштирилган.
Шунингдек, паррандачиликда кластер тизимини жорий этиш, тайёр бизнес лойиҳалар қилиб, тадбиркорларга бериш бўйича таклифлар муҳокама қилинди.
Соҳа ривожини қўллаб-қувватлаш бўйича қўшимча имкониятлар белгиланди. Унга кўра, паррандачилик корхоналари 5 йилга ер солиғидан озод қилинади. Парранда гўшти экспортига рухсат берилади. Тадбиркорларга берилган 35 миллион доллар арзон ресурсни қайтариш муддати 3 йилга узайтирилади.
Давлат раҳбари озуқа-ем захирасини кенгайтириш ва паррандачилик хўжаликларига марказлаштирилган тартибда етказиш бўйича ҳам топшириқлар берди.
Мавзуга оид
12:55 / 27.02.2026
Сурхондарёда 18 та паррандачилик комплекси ва 30 та асаларичилик лойиҳаси ишга туширилади
13:21 / 05.06.2025
Ўзбекистон паррандачилик маҳсулотлари Британияга етказилади
11:15 / 05.06.2025
Венгрия Сирдарёда паррандачилик кластерини барпо этади
14:25 / 21.05.2025