Вашингтонда Ўзбекистон–АҚШ битимлари: нодир металлар, қишлоқ хўжалиги ва IT бўйича келишувлар

АҚШнинг етакчи компаниялари, инвестиция фондлари ва молиявий институтлари раҳбарлари билан ўтказилган давра суҳбати якунида Ўзбекистон президенти Шавкат Мирзиёев ва АҚШ савдо вазири Ховард Латник иштирокида икки томонлама битимларни алмашиш маросими бўлиб ўтди.

Фото: Президент матбуот хизмати

Маросим доирасида қуйидаги ҳужжатлар имзоланди:

Геология вазирлиги — Denali Exploration Group: нодир ер элементларини ишлаб чиқариш бўйича ҳамкорлик;
Тикланиш ва тараққиёт жамғармаси — Re Element Technologies: нодир металлар соҳасида лойиҳаларни амалга ошириш;
Инвестициялар, саноат ва савдо вазирлиги — Flowserve: насос станцияларини модернизация қилиш бўйича ҳамкорлик;
Қишлоқ хўжалиги вазирлиги — Valmont Industries Inc: сувни тежайдиган замонавий технологияларни жорий этиш;
Рақамли технологиялар вазирлиги — Palo Alto Networks: сунъий интеллект соҳасида ҳамкорликни кенгайтириш;
UzAirways — Boeing: самолётларни етказиб бериш бўйича шартнома;
Datacrop — Louis Dreyfus Company: соя дуккаклари ва шрот етказиб бериш бўйича шартнома;
Ўзсаноатэкспорт — Cargill: пахта етказиб бериш бўйича шартнома.

Келишувлар саноат инфратузилмасини янгилаш, қишлоқ хўжалигида ресурс тежамкор технологияларни жорий этиш, рақамли хавфсизлик ва сунъий интеллект йўналишларида ҳамкорликни кенгайтириш, шунингдек экспорт-импорт операцияларини диверсификация қилишга хизмат қилиши кутилмоқда.