Қўшимча функционаллар
-
Тунги кўриниш
«Сижжак» оромгоҳи хусусийлаштирилади - «Давактив»
Мазкур мажмуанинг умумий ер майдони бино ва иншоотлари билан биргаликда 5,38 гектарни ташкил этади.
Фото: Давлат активларини бошқариш агентлиги
“Сижжак” оромгоҳи хусусийлаштирилади. Бу ҳақда Давлат активларини бошқариш агентлиги хабар берди.
Қайд этилишича, Давлат активларини бошқариш агентлиги Тошкент вилояти, Бўстонлиқ тумани, “Сижжак” мавзеси, Сарбоғ маҳалла фуқаролар йиғини ҳудудида жойлашган “Сижжак” дам олиш оромгоҳини оммавий савдолар орқали, шаффофлик принципи асосида сотади.
“Агентлик тасарруфидаги мазкур мажмуанинг умумий ер майдони бино ва иншоотлари билан биргаликда 5,38 гектарни ташкил этади. Айни дамда хусусийлаштириш бўйича ташкилий ишлар амалга ошириляпти”, - дейилади хабарда.
Аввалроқ, “Сижжак” оромгоҳи сотувга қўйилиши кутилаётгани маълум қилинганди.
Ушбу дам олиш маскани муқаддам Гулнора Каримовага тегишли бўлган, 2017 йилда мусодара қилинган, 2019 йилда Сижжак қўрғонидаги ҳашаматли қароргоҳ ичидаги барча жиҳозлари билан Ўзбекистон триатлон федерациясига текин фойдаланишга берилганди.
Мавзуга оид
15:20 / 30.05.2024
Болалар оромгоҳларида дам оладиган болалар қамрови кенгайтирилади
16:18 / 03.07.2023
“Сижжак” ва “Чотқол” дам олиш масканлари хусусийлаштирилмайди
10:33 / 19.06.2023
65 та болалар оромгоҳи касаба уюшмалари федерацияси тизимига ўтказилди
18:29 / 30.05.2023