Қўшимча функционаллар
-
Тунги кўриниш
Технологиялар, инвестициялар ва кўлам – халқаро даражадаги янги автомобил лойиҳаси
Жорий йилнинг 30 январ куни Хитой Халқ Республикасининг Шанхай шаҳрида Asaka Motors International, SAIC Motor International ва MAC Trading FZE ўртасида Ўзбекистон Республикасининг Сирдарё вилоятида MG бренди остида замонавий автомобилларни ишлаб чиқариш ва дистрибуция қилиш бўйича узоқ муддатли стратегик ҳамкорлик шартномаси имзоланди.
Фото: Asaka Motors International
Шу билан бирга, ушбу воқеа Asaka Motors International'нинг навбатдаги йирик халқаро ишлаб чиқарувчилардан бири ҳамда глобал дистрибуция соҳасида катта тажрибага эга MAC Trading FZE билан ҳамкорликни мустаҳкамлашда муҳим босқич бўлди.
Эришилган келишувлар доирасида 2026 йилнинг апрель ойида MG брендининг 4 та моделини ишлаб чиқариш ва савдосини йўлга қўйиш кўзда тутилган. Жорий йилнинг июль ойида моделлар қатори 6 тага етказилади. Қолаверса, келгусида истеъмолчилар танловидан келиб чиққан ҳолда 2 та модель тўлақонли саноат ишлаб чиқаришига (пайвандлаш, бўёқлаш ва йиғиш) ўтказилади.
Маълумот ўрнида таъкидлаш жоизки, Asaka Motors International бугунги кунда 30 гектар майдонда йиллик 150 минг дона автомобил ишлаб чиқариш қувватига эга янги завод қурилишини амалга оширмоқда. Лойиҳага режалаштирилган инвестиция ҳажми 129 миллион АҚШ долларини ташкил этади. Лойиҳа 2026 йилнинг IV чорагида ишга туширилади.
Лойиҳанинг амалга оширилиши маҳаллий автомобил саноатини ривожлантиришга салмоқли ҳисса қўшади. Шу билан бирга, 3000 дан ортиқ янги иш ўринлари яратилади.
Реклама ҳуқуқи асосида
