Хитойда хусусий компания ўзи ишлаб чиқарган “ақлли” суборбитал ракета парвозини амалга оширди

Ракетанинг парвоз вақти 580 сонияни ташкил этди, максимал парвоз баландлиги эса қарийб 300 километрга етди.

Фото: russian.china.org.cn

OneSpace Technology Group Co компанияси Хитой шимоли-ғарбидаги старт майдончасидан ўзининг "ақлли" суборбитал ракетаси парвозини муваффақиятли амалга оширди. Бу ҳақда Синхуа агентлиги хабар берди.

"Умумий узунлиги 9,4 метр бўлган Chongqing Liangjiang Star OS-X6B ракетаси парвози жума куни соат 17:05да амалга оширилди. Унинг парвоз вақти 580 сонияга яқин бўлди, максимал парвоз баландлиги эса қарийб 300 километрга етди", – дейилади хабарда.

Хабар қилинишича, шунингдек, қатор илғор технологиялар синовдан ўтказилди ва парвознинг ҳақиқий шароитлари тўғрисида катта ҳажмда маълумотлар олинди.

OneSpace компанияси 2015 йилда Пекинда ташкил этилган. У ташувчи-ракеталар ишлаб чиқиш бўйича лицензия олган Хитойдаги биринчи хусусий компания ҳисобланади.

Тайёрлаган: Дилшод Аскаров

#ракета #Хитой