САВОЛ: Мен болаликдан ногирон бўлган, доимий парваришга муҳтож икки нафар фарзандимни парваришлаб келмоқдаман. Менга ногирон болаларимга қараганлигим учун 50 ёшдан нафақага чиқиш мумкинми?
Аширжон Насруллаева
ЖАВОБ: Ҳа. «Фуқароларнинг давлат пенсия таъминоти тўғрисида»ги Қонунида Болаликдан ногирон болаларнинг оналарига имтиёзлар белгиланган.
Қонуннинг 12-моддасига кўра, агар болаликдан ногирон фарзандларнинг оналари уларни саккиз ёшгача тарбиялаган бўлса — иш стажи камида 20 йил бўлган тақдирда умумий белгиланган ёшни 5 йилга қисқартирилган ҳолда, яъни 50 ёшда пенсия олиш ҳуқуқига эга бўладилар.
Саволларга ҳуқуқшунос Мирзоҳид Шоқаламов жавоб берди.
Эслатма: «Юридик хизмат минбари»да саволларга берилаётган жавоблар тавсиявий характерга эга.