Кино мухлислари соғинган кино юлдузлари иштирокида бугунги куннинг долзарб мавзуларини тўлақонли ўзида мужассамлаштирган фильм катта экранларда!
Изланишлар ва узоқ муддатли меҳнат самараси бўлган «Васият» номли ўткир сюжетли драматик фильм ҳозирги кунда юртимиз кинотеатрларида намойиш этилмоқда. «Муҳташам медиа» томонидан тасвирга олинган драма ўзбек кино оламидаги йилнинг энг катта шов-шувли премьераларидан бири сифатида қабул қилинди.
Ушбу асарга қатор реал воқеликлар асос бўлган бўлиб, картинада ҳаётнинг кескин синовлари, муҳаббат, оила, қарз можаролари, ака ва ука ўртасидаги меҳр-оқибат ҳамда келишмовчиликлар ўз аксини топган.
Ғоя муаллифи Нодир Таджихўжаевнинг продюсерлик иши ҳисобланган фильмда ўзбек кинематографиясининг маҳоратли актёр ва актрисалари жамланган. Хусусан, Ўзбекистон халқ артисти Убайдулла Омон, актёрлар Жавоҳир Зокиров, Дилноза Кубаева, Улуғбек Қодиров, Зарина Низомиддинова, Ситора Фармонова, Саид Мухторов, Луиза Расулова сингари машҳур ижодкорлар ҳаётий реалликни ёритиб беришга ўзларининг самарали ҳиссаларини қўша олишди дейиш мумкин. Шу қаторда Шаҳзод Султонов ҳам дебют ролини ижро этган. Кинокартинадаги асосий воқеалар бош қаҳрамоннинг турмуш ўртоғи бошига оғир кунлар тушгандан сўнг тубдан ўзгаради. Картина қаҳрамонларининг ҳаёт синовлари олдидаги аянчли ҳолатлари ҳар қандай томошабинни таъсирлантирмай қўймайди. Фильм саундтрекини Лола Аҳмедова ижро этган.
Реклама ҳуқуқи асосида
