ОЧЛ. «Локомотив» бир киши кам бўлиб, «Ал Иттиҳод» билан дуранг ўйнади

Тошкентда Осиё Чемпионлар Лигаси 4-туридан ўрин олган «Локомотив» ҳамда «Ал Иттиҳод» жамоалари ўртасидаги ўйин якунланди. 75-дақиқадан бошлаб бир киши кам бўлиб ўйнаган «Локомотив» (жамоа сардори Ислом Тўхтахўжаев майдондан четлатилди) 1:1 ҳисобида дуранг ўйнади ва 4 очко билан гуруҳда 3-ўринда қолди. «Иттиҳод» эса 7 очко билан ҳамон гуруҳда етакчилик қилмоқда.

ЛОКОМОТИВ - АЛ ИТТИҲОД 1:1
Голлар: Темурхўжа Абдухолиқов (36) - Ромариньо (13).
«Локомотив»: Жавоҳир Илёсов, Ислом Тўхтахўжаев, Анзур Исмоилов, Йован Жокич, Даврон Ҳошимов, Олег Зотеев, Арслонмурод Омонов, Диёр Туропов, Жамшид Искандеров (Игорь Елич, 77), Сардор Мирзаев, Темурхўжа Абдухолиқов (Филип Раевац, 85).
«Ал Иттиҳод»: Фаваз ал-Қарни, Абдуллоҳ ал-Аммар, Ёсин Умар, Матье Юрман, Холид ас-Самири, Аҳмад Асири, Носир аш-Шамрони, Секу Саного, Абдулазиз ал-Биши, Фаҳад ал-Мувалдад, Ромариньо.
Четлатиш: Ислом Тўхтажўжаев (75).