Samsung Galaxy S8 савдога чиқадиган сана маълум қилинди

Samsung компанияси ўзининг янги флагман смартфони Galaxy S8’ни 15 апрелда савдога чиқармоқчи. Бу ҳақда Жанубий Корея ОАВга иқтибос келтирган ҳолда International Business Times нашри хабар бермоқда. 

Янги смартфон тақдимоти аввал тахмин қилингандек, Барселонадаги Mobile World Congress кўргазмаси доирасида эмас, балки 29 март куни бўлиб ўтади.

Қурилма икки вариантда – 5,7 ва 6,2 дюймли диагонал билан таклиф қилинади. Иккала модель ҳам босиш кучини фарқлайдиган чети эгилган экранлар билан жиҳозланади.

Тахмин қилинишича, смартфоннинг нархи 849 долларни ташкил қилади.