Ўзбекистонда Chevrolet Onix автомобилини ишлаб чиқариш 2022 йил охирида бошланиши кутилмоқда

UzAuto Motors компанияси Chevrolet Onix русумли янги автомобилларини 9 мингдан 12 минг АҚШ долларигача баҳода сотувга чиқаради.

Ўзбекистонда 2022 йилнинг кузида Chevrolet Onix автомобилларини ишлаб чиқариш бошланиши кутилмоқда. Бу ҳақда UzAuto Motors компанияси директори вазифасини бажарувчи Рустам Ражабовга асосланиб, Kun.uz мухбири хабар берди.

Ражабовнинг журналистларга айтишича, Onix нархи 9-12 минг доллар оралиғида бўлади. Аввал Matiz ишлаб чиқарилган линия Onix'га мослаб қайта қурилади ва янги моделни ишлаб чиқариш 2022 йилнинг 4-чораги якунида локализация қилинади.

Эслатиб ўтамиз, феврал ойида Ўзбекистонга синов учун Chevrolet Onix'нинг бир неча намунаси олиб келингани ҳақида хабар берилганди. «Ушбу намуналар маҳаллий иқлим шароитларида синаш ва салоҳиятли харидорларнинг фикрини ўрганиш мақсадида харид қилинган», дейилганди компания баёнотида.

#Chevrolet Onix #UzAuto Motors