Хитой 2014 йилда металларнинг занглаши туфайли 300 млрд доллар йўқотди

Хитойлик олимлар ҳисоб-китобига кўра, 2014 йилда металлар занглаши ва унинг оқибатлари мамлакат иқтисодиётига тахминан 310 млрд долларлик зарар етказган. Тегишли тадқиқот npj Materials Degradation журналида эълон қилинди.

Занглаш ҳолатларидан энг кўп зарар транспорт ва радиоэлектрон соҳаларга тўғри келган. Мутахассисларнинг ҳисоб-китобига қараганда, металларнинг занглаши туфайли ҳар йиллик иқтисодий зарарни 115 млрд долларга қадар қисқартириш мумкин. Бунда уларнинг эскиришини олдини олиш бўйича профилактик тадбирлар кенгайтирилиши лозим.

Мутахассисларнинг фикрича, бундай жараёнлар ичига занглаш ингибиторларини жорий этиш, занглашни секинлаштирувчи махсус мойлар ва электрокимёвий ҳимоя киради. Транспорт соҳасида ушбу тадбирларни молиялаштириш 2014 йилдаги инвестицияларнинг тахминан 4 фоизини ташкил этган.