Мандат 26 ё 27 августда эълон қилинади — ДТМ

Бу йил ҳам абитуриентлар неча балл тўплаганини тест топширган кунининг эртасига билиши мумкин, дея Kun.uz'га маълум қилди ДТМ директори ўринбосари Сардор Ражабов. Унинг сўзларига кўра, якуний жавоблар (мандат) имтиҳонлар якунланганидан кейин 1 ҳафта ичида эълон қилинади.

Фото: Kun.uz

ДТМ мутахассиси Ғайрат Йўлдошевнинг Kun.uz'га аниқлик киритишича, мандат эълон қилиниши 26-27 август саналарига тўғри келиши кутилмоқда.

20 август куни сўнгги имтиҳонлар бўлиб ўтади.

Абитуриентлар тест натижаларини имтиҳон топширган кунининг эртасига, ўқишга кирган-кирмаганини эса мандат эълон қилинганидан кейин қуйидагилар орқали билиши мумкин:

my.dtm.uz сайтидаги шахсий кабинет;
@e_dtm_mandatbot, @e_dtm_mandat1bot, @e_dtm_mandat2bot, @e_dtm_mandat3bot, @e_dtm_mandat4bot Telegram-ботлари.

Юқоридаги платформаларда жавоблар варақаси ҳам жойлаштирилади. Бу орқали абитуриентлар қайси саволларга тўғри, қайсиларига нотўғри жавоб белгилаганини кўриши мумкин.

Апелляция аризалари 21 августдан 30 августгача қабул қилинади.