Озарбойжон Қорабоғда маҳаллий аксилтеррор тадбирларини бошлади

«Озарбойжон армиясининг Қорабоғ минтақасидаги арман қуролли кучлари бўлинмалари томонидан тизимли равишда ўққа тутилиши, ҳудудларимизни миналаш ишларини давом эттириш, жанговар позицияларни муҳандислик-техник такомиллаштириш ишлари, шунингдек, хандақлар сонини кўпайтириш сўнгги ойларда кескинликнинг янада кучайишига сабаб бўлди», дейилади вазирлик хабарида. 

Таъкидланишича, жанговар позицияларни шахсий таркиб, зирҳли техника, артиллерия мосламалари ва бошқа воситалар билан мустаҳкамлаш, бўлинмаларни юқори жанговар шай ҳолатга келтириш, қўшимча сафарбарлик бўлинмаларини яратиш, Озарбойжон армиясининг бўлинмаларига қарши разведка фаолиятини кенгайтириш, мамлакат ҳудудига қўпорувчилик ва террористик мақсадларда чуқур кириб боришга ҳаракатлар кучайган.

«19 сентябр куни Аҳмадбейли-Фузулий-Шуша автомобил йўлида Озарбойжоннинг Қорабоғ иқтисодий районида Арманистон қуролли кучлари разведка-диверсия гуруҳлари томонидан илгари террорчилик мақсадида ўрнатилган мина портлаши натижасида тинч аҳоли вакиллари ҳалок бўлди ва Озарбойжон автомобил йўллари давлат агентлигига тегишли автомашина ишдан чиқди. Шу куни Арманистон қуролли кучларининг разведка-диверсия гуруҳи томонидан қўйилган минадан Ички ишлар вазирлиги Ички қўшинлар ҳарбий хизматчиларини олиб кетаётган автомашинанинг портлаши натижасида ҳарбийларимиз ҳалок бўлди ва ярадор бўлди. Бундай фактлар Арманистоннинг Озарбойжонга қарши олиб борилаётган мақсадли ва тизимли террористик сиёсатининг давомидир», дейилади баёнотда. 

Билдирилишича, Озарбойжон Республикаси Мудофаа вазирлиги 2020 йил 10 ноябрда имзоланган Уч томонлама баёнот қоидаларини бузган ҳолда, Арманистон қуролли кучларининг Озарбойжоннинг Қорабоғ иқтисодий ҳудудида бўлиши минтақада тинчлик ва барқарорликка таҳдид манбаси эканлигини бир неча бор таъкидлаган. 

«Уч томонлама баёнот қоидаларини таъминлаш мақсадида Қорабоғ иқтисодий ҳудудида кенг кўламли провокацияларни бостириш, Арманистон қуролли кучларини қуролсизлантириш ва чиқариб юбориш, уларнинг ҳарбий инфратузилмасини зарарсизлантириш, ҳудудларга қайтган тинч аҳоли хавфсизлигини таъминлаш, озод қилинган давлат хизматчилари, қурилиш-таъмирлаш ишларига жалб этилган ҳарбийларимиз ҳамда Озарбойжон Республикасининг конституциявий тузумини тиклаш бўйича минтақада маҳаллий антитеррор тадбирлари бошланди.

Олдин ва чуқурликда юқори аниқликдаги қуроллардан фойдаланиш бўйича тадбирлар доирасида Арманистон қуролли кучлари қўшинларининг позициялари, уларнинг ўқ отиш пунктлари, шунингдек, жанговар воситалар ва ҳарбий объектлари яроқсиз ҳолга келтириляпти. 

Биз тинч аҳоли ва фуқаролик инфратузилмаси нишон эмаслигини, фақат қонуний ҳарбий нишонлар мақсад эканини яна бир бор таъкидлаймиз. 

Россия Федерацияси тинчликпарвар контингенти қўмондонлиги ва Туркия-Россия мониторинг маркази раҳбариятига олиб борилаётган тадбирлар ҳақида маълумот берилди», — дейилади маҳкама хабарида.