Трамп Эрон билан келишувни “расво” деб атади

АҚШ президенти Дональд Трамп Эрон билан тузилган ядровий келишувни бир томонлама, уни тузган собиқ давлат котиби Жон Керрини эса ўзи учратган энг ёмон музокарачи деб атади.

“Бу расво битим бўлган. Сиз ҳеч қачон сизни ҳурмат қилмаган мамлакатга 150 млн доллар берасиз, деб ким ҳам ўйлабди? Керри, эҳтимол, мен қачондир учратган энг ёмон музокарачи бўлса керак”, деб айган Трамп Вашингтонда консерваторлар анжуманидаги нутқида.  

2017 йил октябрда Трамп конгрессга Эрон ядровий келишувга амал қилаётганини расман тасдиқлашдан бош тортган, бироқ Эрон томонидан бу келишувларга амал қилиниши бўйича халқаро даражада баҳслашмаган. Трамп Оқ уй келишувнинг “жиддий камчиликлари” устида конгресс билан ишлашини маълум қилган. У, шунингдек, агар конгресс билан биргаликда битимни тўғрилашнинг имкони бўлмаса, унда у бекор қилиниши билан таҳдид қилган. 

Эрон ва халқаро воситачилар олтилиги 2015 йил 14 июлда Эрон атоми муаммосини тартибга солувчи халқаро келишувга келган: қўшма ҳаракатлар дастури қабул қилинган, унинг Эрон томонидан бажарилиши унга қўйилган санкцияларнинг олинишини таъминлаган.