Давлат хизмати кўрсатишда энг кўп қонунбузилиш ҳолати аниқланган вазирлик ва идоралар маълум қилинди

“Давлат хизматлари янгиликлари” каналида ёзилишича, давлат хизматлари бўйича энг кўп қонунбузилиш ҳолати коммунал идораларда аниқланди – 44 731 та.

Ундан кейинги ўринлардан мос равишда 10 118 та ҳамда 7 655 та қонунбузилиш ҳолати қайд этилган кадастр идоралари ва қурилиш идоралари жой олди.

Ушбу кўрсаткич соғлиқни сақлаш муассасаларида – 4 830 та ҳолатни, ҳокимликларда – 4 755 та ҳолатни ташкил қилди.

Бундан олдин давлат хизматлари кўрсатилиши соҳасида жорий йилнинг ўтган 9 ойи мобайнида жами 99 883 та қонунбузилиш ҳолати аниқлангани хабар берилганди.

Шундан 81 458 таси муддат бузилиши, 7 115 таси ортиқча ҳужжат талаб қилиш, 4 593 таси тўғридан тўғри давлат хизмати кўрсатиш, 2 113 таси асоссиз рад этиш, 10 таси ваколатли орган қонуний талабини бажармаганлик ҳамда 4 594 таси бошқа турдаги қонунбузилишларни ташкил этади.