Санжар Турсунов Олимпиада чемпионига ютқазди ва бронза медаль билан кифояланадиган бўлди

Фото: AIBA

Ҳамбургда давом этаётган бокс бўйича жаҳон чемпионатида Ўзбекистон вакилларидан яна бири ярим финал жангини ўтказди.

Оғир вазнда (91 кг.) иштирок этаётган Санжар Турсунов ярим финалда Олимпиада ва жаҳон чемпиони, россиялик Евгений Тишченкога қарши рингга чиқди.

19 ёшли спортчи ўзидан бўй жиҳатдан баланд бўлган рақибга бир нечта кучли зарбалар берди. Аммо ҳакамларнинг барчаси ғалабани Россия вакилига тақдим этишди — 27:30, 27:30, 27:30, 27:30, 28:29.

Шу тариқа, илк марта ЖЧда иштирок этган Санжар Турсунов бронза медаль билан кифояланадиган бўлди.

Тайёрлаган Азиз Қаршиев

#бокс #Санжар Турсунов

25 август куни Германиянинг Ҳамбург шаҳрида Бокс дунёсининг 2017 йилги энг нуфузли мусобақасига старт берилди. 25 августдан 2 сентябргача Ҳамбург шаҳри AIBA World Boxing Championship-2017 мусобақасига мезбонлик қилади. Унда Ўзбекистон терма жамоаси камсонли мамлакатлар сингари тўлиқ таркибда иштирок этади.