Sanjar Tursunov Olimpiada chempioniga yutqazdi va bronza medal bilan kifoyalanadigan bo‘ldi

Hamburgda davom etayotgan boks bo‘yicha jahon chempionatida O‘zbekiston vakillaridan yana biri yarim final jangini o‘tkazdi.

Og‘ir vaznda (91 kg.) ishtirok etayotgan Sanjar Tursunov yarim finalda Olimpiada va jahon chempioni, rossiyalik Yevgeniy Tishchenkoga qarshi ringga chiqdi.

19 yoshli sportchi o‘zidan bo‘y jihatdan baland bo‘lgan raqibga bir nechta kuchli zarbalar berdi. Ammo hakamlarning barchasi g‘alabani Rossiya vakiliga taqdim etishdi — 27:30, 27:30, 27:30, 27:30, 28:29.

Shu tariqa, ilk marta JChda ishtirok etgan Sanjar Tursunov bronza medal bilan kifoyalanadigan bo‘ldi.