Мақсадли қабул учун истисно бўладиган 41та коллеж рўйхати тасдиқланди

12 июль куни «Kun.uz»да нашр қилинган жиззахлик ва бухоролик абитуриентлар учун қўшимча мақсадли қабул квоталари белгилангани ҳақидаги хабарда мақсадли қабулнинг ўзи нималиги тўғрисида ҳам маълумот берилган эди.

Мақсадли қабул - бу айрим йўналишларда фақат маълум бир ҳудуд учун ажратилган давлат гранти шаклидаги қабул квоталари.

Вазирлар Маҳкамасининг 2017 йил 20 июндаги 393-сонли қарори билан тасдиқланган Низомнинг 10-бандига кўра, мақсадли қабулга топшириш учун абитуриент фақат тегишли ҳудуднинг ўрта махсус, касб-ҳунар таълими муассасалари томонидан берилган дипломга эга бўлиши шарт эди.

Бироқ мазкур қоидага айрим ўзгаришлар киритилди.

Ўзбекистон Республикаси таълим муассасаларига қабул қилиш бўйича Давлат комиссиясининг 2018 йил 4 июлдаги 2-сон баёни билан академик лицейлар ва республика миқёсидаги 41та тармоқ касб-ҳунар таълими муассасалари истисно сифатида белгиланган.

Бу нима дегани?

Масалан, сурхондарёлик абитуриент Тошкентдаги 1-Республика тиббиёт коллежида ўқиган бўлса, энди бемалол тиббиёт олийгоҳларининг Сурхондарё вилояти учун ажратилган мақсадли қабулига ҳужжат топшира олади.

Қайси йўналишларда мақсадли қабул бор?

Жорий йилда тиббиёт ҳамда ирригация ва қишлоқ хўжалиги йўналишларида мақсадли қабул квоталари эълон қилинган.

Бундан ташқари яна айрим йўналишларда ҳам кам сонли мақсадли қабул квоталари мавжуд. Уларнинг тўлиқ рўйхатини қабул жараёнлари учун яратилган Давлат тест марказининг махсус платформаси орқали кўришингиз мумкин.

Агар маълум бир йўналиш тўғрисига қавс ичида ҳудуд номлари ёзилган бўлса, билингки, ўша йўналиш учун мақсадли қабул ташкил этилган.

Республика миқёсидаги тармоқ касб-ҳунар таълими муассасалари рўйхати

1. 1-Тошкент педагогика коллежи;
2. 2-Тошкент юридик коллежи;
3. Қўйлиқ маиший хизмат касб-ҳунар коллежи;
4. М.Улуғбек саноат касб-ҳунар коллежи;
5. М.Улуғбек технология касб-ҳунар коллежи;
6. Олмазор политехника касб-ҳунар коллежи;
7. Республика дизайн коллежи;
8. Республика рассомлик коллежи;
9. Республика телевидение ва радио касб-ҳунар коллежи;
10. Сергели енгил саноат ва сервис касб-ҳунар коллежи;
11. Сергели политехника касб-ҳунар коллежи;
12. Серегли саноат касб-ҳунар коллежи;
13. Тошкент авиасозлик коллежи;
14. Тошкент алоқа касб-ҳунар коллежи;
15. Тошкент банк коллежи;
16. Тошкент банк ҳисоб-кредит коллежи;
17. Тошкент геодезия ва картография касб-ҳунар коллежи;
18. Тошкент гидрометеорология касб-ҳунар коллежи;
19. Тошкент иқтисодиёт ва сервис коллежи;
20. Тошкент ихтисослашган саноат касб-ҳунар коллежи;
21. Тошкент ихтисослаштирилган хотин-қизлар коллежи;
22. Тошкент маданият коллежи;
23. Тошкент меҳмонхона хўжалиги ва сервис касб-ҳунар коллежи;
24. Тошкент меҳр-шафқат касб-ҳунар коллежи;
25. Тошкент молия ва иқтисодиёт коллежи;
26. Тошкент солиқ коллежи;
27. Тошкент телекоммуникация технологиялари касб-ҳунар коллежи;
28. Тошкент темир йўл транспорти касб-ҳунар коллежи;
29. Тошкент туризм ва бизнес касб-ҳунар коллежи;
30. Тошкент туризм касб-ҳунар коллежи;
31. Тошкент хизмат кўрсатиш ва сервис касб-ҳунар коллежи;
32. Тошкент эстрада-цирк коллежи;
33. Чилонзор матбаа касб-ҳунар коллежи;
34. Шайхонтоҳур транспорт касб-ҳунар коллежи;
35. Юнусобод компьютер технологиялари касб-ҳунар коллежи;
36. Юнусобод машинасозлик касб-ҳунар коллежи;
37. 1-Республика тиббиёт коллежи;
38. Республика олимпия захиралари коллежи;
39. Имконияти чекланган шахслар учун ихтисослаштирилган Фарғона шаҳар Республика касб-ҳунар коллежи;
40. Тошкент шаҳридаги имконияти чекланган шахслар учун Республика касб-ҳунар коллежи;
41. Самарқанд имконияти чекланган шахслар учун ихтисослаштирилган махсус касб-ҳунар коллежи.