Бокс. Отабек Холматов WBA чемпионлик камари учун Раймонд Фордга техник нокаут билан ютқазди

Бугун, 3 март тонгида АҚШнинг Нью-Йорк штати, Верона шаҳрида катта проф бокс турнири ўтказилмоқда.

Фото: Getty Images

Бокс кечаси доирасида ярим енгил вазн тоифасида ўзбекистонлик чарм қўлқоп устаси Отабек Холматов (11-0, 10 KO) WBA чемпионлик камари учун Раймонд Фордга (14-0-1, 7 KO) қарши рингга чиқди. 12 раундга мўлжалланган жанг 12-раунд тугашига 7 сония қолганида якунига етди.

Дастлабки раундларда Холматов устунликни қўлига олиб, яхши ҳаракат қилган бўлса-да, жангнинг иккинчи қисмида америкалик боксчи очиқ жангни таклиф қилгач, ҳамюртимиз ҳимояланишга қийналиб, зарбаларни ўтказиб юборди. 12-раундда мувозанатни йўқотгач, ҳакам техник нокаутни қайд этди.

Шу тариқа, Отабек фаолиятидаги биринчи мағлубиятни тан олди. Раймонд Форд эса ярим енгил вазн тоифасининг WBA камарини қўлга киритди.