Қўшимча функционаллар
-
Тунги кўриниш
Дунёнинг янги энг яхши боксчиси номи маълум бўлди
Америкалик енгилмас боксчи Теренс Кроуфорд вазн тоифаларидан қатъи назар дунёда энг яхши бўлди.
Фото: Getty images
37 ёшли америкалик боксчи Теренс Кроуфорд 14 сентябр куни учинчи марта мутлақ жаҳон чемпиони унвонини қўлга киритди. Шундан сўнг, унинг профессионал рекорди 42-0 (42 ғалаба, шундан 31 таси нокаут билан, 0 мағлубият) бўлди.
Бу натижаси учун нуфузли ESPN спорт портали уни вазн тоифаларидан қатъи назар боксчилар рейтингида биринчи ўринга қўйди.
Энди энг яхши боксчилар рўйхати қуйидагича кўриниш олди:
- Теренс Кроуфорд (42-0, 31 КО);
- Олександр Усик (24-0, 15 КО);
- Наоя Иноуэ (31-0, 27 КО);
- Дмитрий Бивол (24-1, 12 КО);
- Жесси Родригес (22-0, 15 КО);
- Артур Бетербиев (21-1, 20 КО);
- Шукур Стивенсон (24-0, 11 КО);
- Давид Бенавидез (30-0, 24 КО);
- Дзунто Накатани (31-0, 24 КО);
- Канело Алварес (63-3-2, 39 КО).
Эслатиб ўтамиз, Кроуфорд 14 сентябрга ўтар кечаси Лас-Вегасдаги Allegiant Stadium аренада Саул Канело Алваресни мағлуб этди. Жанг тўлиқ 12 раунд давом этди ва ҳакамларнинг якдил қарори билан Кроуфорд фойдасига ҳал бўлди (116-112, 115-113 ва 115-113).
