Қўшимча функционаллар
-
Тунги кўриниш
Трамп ва Ким Чен Ин Корея уруши якунланганини эълон қилишади – ОАВ
ФОТО : ТАСС / Inter-Korean Press Corps-POOL
АҚШ президенти Дональд Трамп ва Шимолий Корея етакчиси Ким Чен Ин Сингапурдаги АҚШ-КХДР саммитида Корея уруши якунлангани ҳақида қўшма баёнот беришади. Бу ҳақда ўз манбаларига иқтибос келтирган ҳолда Nikkei япон нашри маълум қилди.
Шу муносабат билан музокараларда Жанубий Корея ва Хитой етакчилари ҳам иштирок этишлари кутилмоқда.
Шимолий ва Жанубий Корея ўртасидаги 1950-1953 йиллардаги урушдан кейин ярашув сулҳи тузилган, бироқ ихтилоф расман ҳали якунланмаган. Ким Чен Ин ва Жанубий Корея президенти Мун Чжэ Ин апрелдаги учрашувларида икки давлат ўртасидаги тинчлик сулҳи жорий йилда имзоланиши мумкинлигини маълум қилишганди.
Бундан ташқари, нашр маълумотларига кўра, АҚШ Шимолий Кореянинг 2020 йилгача тўлиқ ядровий қуролсизлантирилишига келишишга умид қилмоқда. Шу тариқа Трамп Шимолий Корея муаммосини ўзининг президентлик муддати якунлангунгача ҳал қилмоқчи.
Аввалроқ АҚШ ва Шимолий Корея етакчиларининг учрашуви 12 июнда Сингапурда бўлиб ўтиши маълум қилинганди.
