АҚШ ва Эрон ўзаро денгиз қамали орқали Ҳўрмуз бўғози устидан назорат ўрнатишга уринмоқда, бу эса мўрт сулҳ келишувини ларзага келтирмоқда. Reutersʼнинг ёзишича, 4 май куни кечроқ Кўрфаздаги бир қанча савдо кемалари портлашлар ёки ёнғинлар ҳақида хабар берган.
Ракета ва дронларнинг янги зарбалари АҚШ президенти Доналд Трампнинг бўғоз орқали қолиб кетган кемаларни ўтказишга янги уринишидан сўнг содир бўлди. Энергия савдоси учун ҳаётий муҳим бўлган ушбу йўлак АҚШ ва Исроил Эронга ҳужум бошлаганидан бери деярли ёпиқ қолмоқда.
Фужайрага ракета зарбалари
Дастлаб Эрон бўғозга яқинлашаётган АҚШ ҳарбий кемасига қарата ўт очгани ва уни ортга қайтишга мажбур қилганини айтганди. АҚШ эса кема уриб туширилгани рад этди, кейинроқ Эрон расмийлари бу ҳолатда «огоҳлантирувчи ўқлар» узилганини айтди.
Шунингдек, кун давомида БААнинг муҳим нефть порти ҳисобланган Фужайрада ёнғин келтириб чиқарган дрон ва ракета ҳужумлари ҳақидаги хабарлар тарқалди. БАА Эроннинг ҳужумларини жиддий эскалация деб атади ва жавоб қайтариш ҳуқуқини ўзида сақлаб қолишини билдирди.
Footage captures the moments after a drone caused a fire at an oil facility in Fujairah.
— Al Jazeera Breaking News (@AJENews) May 4, 2026
The UAE says Iran fired 15 missiles and four drones on Monday, while Iranian state media is indicating Iran wasn’t behind the attack. pic.twitter.com/G7SimR4JCS
БАА ҳукумати, шунингдек, хавфсизлик нуқтаи назаридан мактаб ўқувчилари учун масофавий таълим жорий этилаётганини маълум қилди. Reutersʼнинг ёзишича, Фужайра бўғоздан ташқарида жойлашган бўлиб, бу Яқин Шарқ нефтини бўғоздан ўтмасдан экспорт қилиш имконини берувчи кам сонли йўналишлардан бири ҳисобланади.
Эрон давлат телевидениесининг хабар беришича, ҳарбийлар БААга қилинган ҳужум «АҚШ ҳарбийларининг авантюризмига» жавоб эканини тасдиқлаган.
Шунингдек, Мухофизлар корпуси ўз назорати остидаги кенгайтирилган денгиз ҳудуди харитасини
