ОАВ: Украинада жиноят содир этиш ҳоллари ортиб бормоқда

Украина миллий полиция маҳкамаси раҳбари Хатия Деканоидзенинг маълум қилишича, мамлакатдаги ижтимоий-иқтсодий вазият туфайли ҳамда қурол-яроғларнинг ноқонуний яширин савдоси ортаётгани боис, жиноятчиликка оид рақамлар ортиб бормоқда. Бу ҳақда, у «Левый берег» интернет-нашрига берган интервьюсида сўз юритган. 

«Мен ҳеч қачон жиноятчиликни инкор қилмаганман. Жиноят кўрсаткичи сўнгги олти ойда ёки миллий полиция ташкил этилиши билан эмас, балки 2013 йилдаёқ орта бошлаган. Бунга, бир неча омил, биринчи навбатда ижтимоий-иқтисодий вазият салбий таъсир эмоқда», — деб қайд этган Деканоидзе. 

Бунда, унинг таъкидлашича, Украинада қотиллик каби оғир жиноятлар содир этиш ҳоллари ташвишланарли эмас. Аксинча, ўғирлик билан боғлиқ қонунбузарликлар 30 фоиз ошган. Аммо, у бу каби жиноятларга қачон, қандай барҳам бериш мумкинлигига жавоб берар экан, полиция уни атиги 10 фоиз камайтиришга таъсир эта олишини айтган.