«Ўзсаноатқурилишбанк» республикада JCB халқаро карталарини қабул қиладиган биринчи банк бўлади​

JCB International Co., Ltd ​ ва «Ўзсаноатқурилишбанк»​ АТБ Ўзбекистон Республикасида «Ўзсаноатқурилишбанк»​ АТБнинг эквайринг тармоғида JCB​ тўлов тизими карталарини қабул қилиш тўғрисида лицензион битимни имзолаш ҳақида эълон қилишди. Шундай қилиб, «Ўзсаноатқурилишбанк»​ АТБ Ўзбекистон Республикасида JCB халқаро тўлов тизими карталарини қабул қилишни бошлайдиган биринчи банк бўлади. JCB карта эгалари «Ўзсаноатқурилишбанк»​ банкоматларида нақд пул ечиш ва Ўзбекистон ҳудудидаги савдо-сервис корхоналари тармоғида харидлар учун тўловни амалга оширишлари мумкин бўлади.

«Айнан «Ўзсаноатқурилишбанк»​ Ўзбекистон меҳмонларига, JCB карта эгаларига мамлакатда бўлганда қулай шароитлар яратишга кўмаклаша олишидан мамнунмиз. Ўзбекистон ЮНEСКОнинг Бутунжаҳон мероси рўйхатига киритилган қадимий шаҳарларимиз Самарқанд, Бухоро, Хива, Қаршини эслатади. Бу йўналишлар кўҳна тарихни намоён этади ва бутун дунё сайёҳларида қизиқиш уйғотади. Бизнинг «Ўзсаноатқурилишбанк»​ АТБ билан қўшма лойиҳамиз JCB карталари фаол муомалага чиқарилувчи Жанубий Корея, Индонезия, Малайзия, Япония ва Сингапур каби мамлакатлардан сайёҳлар ва тадбиркорлар учун ушбу шаҳарларда JCB карталарини қабул қилиш тармоғини очади. Бундан ташқари, 2018 йилда мазкур мамлакатлар учун Ўзбекистонга 30 кунга визасиз кириш тартиби жорий этилди, шунинг учун биз Ўзбекистонга туристлар оқими ўсишини кутишимиз мумкин. Ўзбекистон Республикаси ҳудудида JCB карталарини қабул қилиш нафақат Осиё-Тинч океани минтақаси мамлакатлари, балки 2014 йилдан JCB тўлов тизими карталари фаол муомалага чиқарилаётган Россиядаги карта эгалари учун ҳам яна бир хушхабар бўлади»,​ дейди JCB International Euroasia Бош директори Такаси Суетсугу. ​

JCB тўлов тизими - бу 1961 йилда Японияда ташкил этилган етакчи халқаро тўлов тизимларидан биридир. 1981 йилда JCB халқаро бозорга чиққан Осиёда биринчи тўлов тизими бўлди. JCB бутун дунёда карталарни қабул қилиш тармоғини фаол ривожлантиришни давом этмоқда ҳамда бозор етакчилари билан ҳамкорлик қилиб, савдо-сервис корхоналари билан шериклик муносабатларини қўллаб-қувватламоқда.