Британияда “мю” мутация билан 48та янги касалланиш ҳолати аниқланди

Фото: Reuters

Буюк Британияда коронавируснинг “мю” штамми билан касалланишнинг 48 та янги ҳолати аниқланди, деб маълум қилди Британиянинг The Mirror нашри.

Жаҳон соғлиқни сақлаш ташкилоти (ЖССТ) маълумотларига кўра, коронавируснинг Mu ёки B.1.621 тури ҳозирда 39 мамлакатда аниқланган.

Олимларнинг тахмин қилишича, коронавируснинг бу турида COVID-19 вакциналарига нисбатан чидамлироқ бўлган мутациялар мавжуд. Аммо буни аниқлаш учун кўпроқ тадқиқотлар керак бўлади.

ЖССТда таъкидланишича, ушбу тур биринчи бор аниқланган Колумбияда унинг тарқалиши ҳозирда 39 фоизни, қўшни Эквадорда 13 фоизни ташкил қилмоқда.

Mu штамми биринчи марта Колумбияда шу йил бошида аниқланган эди.

Аввалроқ ЖССТ “мю” турини “қизиқиш уйғотувчи вариант” сифатида ўз мониторинг рўйхатига киритгани ҳақида хабар берилган эди. Мутация инфекциянинг аҳоли орасида юқори даражада тарқалишига олиб келиши мумкинлиги аниқланган.

Тайёрлаган Шуҳрат Раҳимов

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.