Тадбиркор Ҳасан Мамасаидов президент билан мулоқотда бизнес-инкубаторларни кўпайтиришни таклиф қилди

20 август куни президент Шавкат Мирзиёевнинг тадбиркорлар билан мулоқоти бўлиб ўтди. Тадбирда бир қатор тадбиркорлар давлат раҳбарига ўз таклифларини билдириб ўтди.

Ҳасан Мамасаидов

Тошкент шаҳридаги студиялардан биридан Форумлар саройи билан боғланган Dekos компанияси раҳбари, MFaktor лойиҳаси муаллифи Ҳасан Мамасаидов президентга мамлакат бўйлаб бизнес-инкубаторларини ривожлантириш ҳақида таклиф билдирди.

Шавкат Мирзиёев бу таклифни қўллаб-қувватлаб, бизнес-инкубаторларга молиявий кўмак бериш, ҳудудларда бинолар ажратиб, ижара учун тўловлардан воз кечиш каби кўмак кўрсатиш бўйича масъулларга топшириқ берди.

Тадбиркор Умид Мамадаминов президент билан мулоқотда 10 йилга яқин АҚШда яшаб ишлагани ва 2018 йил оиласи билан Ўзбекистонга қайтганини айтди. У Жиззахнинг туризм салоҳиятидан фойдаланиш учун Айдаркўл атрофидаги ерларни очиқ аукцион орқали инвесторларга сотишни таклиф қилди.

Президент туризм ва спорт вазири Азиз Абдуҳакимовга бу борада тегишли таклиф ишлаб чиқиш вазифасини юклади. Давлат раҳбари бу ишда шошмашошарлик ярамаслиги, етти ўлчаб бир кесиш кераклигини таъкидлади.