Ҳаётимизда интернетнинг ўрни кун сайин кенгаймоқда
Замон талабларига кўра бугунги кун одамлари асосан онлайн нашрларни афзал билишмоқда. Чунки ҳар доим ҳам телевизион ёки босма нашрларни кузатишга имкон бўлмайди. Онлайнда эса исталган вақт ва жойда ахборот олса бўлади.
Тадбиркор, Korzinka.uz асосчиси Зафар Ҳошимов инсонлар ҳаётида интернетнинг ўрни йил сайин эмас, кун сайин ўсаётганини айтди.
“Йилдан йилга дердим, лекин кундан кунга интернетнинг ҳаётимиздаги ўрни, унинг одамларга ахборот етказиш аҳамияти ошиб боряпти. Ҳозир интервью жараёнида ҳам телефонимга интернет орқали хабарлар келаётганини сезяпман. Бу балки бирор янгиликлар ёки хабарлар бўлиши мумкин. Ўз-ўзидан имкон қадар тезроқ уни ўқиш истаги пайдо бўлади”,- дея қайд этди Korzinka.uz раҳбари.
Бугун энг самарали реклама – интернет рекламалардир
Турмуш тарзида интернетнинг қамрови ортиши ўз ўрнида ундан фойдаланувчиларнинг эҳтиёжлари учун хизмат қилади. Ўзбекистондаги топ-бизнесменлар интернет орқали берилган рекламаларни энг самарали реклама сифатида қайд этишмоқда. Чунки жамиятдаги энг катта омма бугун интернетда ўтирибди.
Жумладан, Murad Buildings раҳбари Мурод Назаров бунинг қулай томонлари кўплигини таъкидлади: “Интернет орқали берилган рекламанинг қулайликларидан бири – уни таҳлил қилиш имкониятининг мавжудлигида. Бу билан берилган рекламанинг қанчалик самарали бўлганини билиш мумкин”.
“Эрталаб уйқудан уйғонишимиз билан телефонимизни қўлга олиб янгиликлардан хабардор бўлишни хоҳлаймиз. Ҳар бир корхона ёки бренд эгаси маҳсулотини аҳолига, жамиятга етказмоқчи бўлса, одамлар вақтини қаерга қаратишини билиб, ўша ерга эътибор қаратиши бизнесда жуда муҳим” дейди MFactor, Deli каби таниқли брендлар эгаси
