Микро бизнес учун ягона 4 фоизли солиқ ставкаси жорий этилади

Давлат раҳбари тадбиркорлик соҳаси вакилларини қўллаб-қувватлаш юзасидан ташаббусларни билдирди.

Фото: Fotolia

Биринчи йўналишга кўра, корхоналарни тоифаларга ажратиб, уларни қўллаб-қувватлаш бўйича алоҳида ёндашувни белгилаш режалаштирилмоқда.

Бунда, корхоналар йиллик айланмаси бўйича тоифаларга ажратилади. Булар:

1 миллиард сўмгача бўлгани – микро бизнес;
10 миллиард сўмгача бўлгани – кичик бизнес;
100 миллиард сўмгача бўлгани ўрта бизнес тоифасига киради.

Шундан келиб чиқиб 2023 йил 1 январдан бошлаб микро бизнес учун айланмадан олинадиган солиқ амалдаги 4 фоиздан 25 фоизгача бўлган ставкалари ўрнига ягона 4 фоизли солиқ ставкаси жорий этилади.

Бунда, олис ҳудудлардаги ва алоҳида тоифадаги тадбиркорлар учун амалдаги 1 ва 2 фоизли ставкалар сақлаб қолинади. Ёки, улар ихтиёрий равишда йилига 20-30 миллион сўм тўласа, бухгалтерия ҳисобини юритиш ва солиқ идораларига тақдим этиш мажбуриятидан озод этилади.