Антиқа Samsung The Sero сизнинг телевизорлар борасидаги дунёқарашингизни бутунлай ўзгартиради

Бурилувчи экранли ноёб телевизор вертикал форматдаги контент томоша қилишингиз учун автоматик тарзда смартфонингиз йўналишига қараб мослашади.

Янги Samsung The Sero телевизор модели дунёда аналогларга эга эмас. 43" QLED The Sero TV 2020 янги телевизори бироз аввал Кореяда эълон қилинган бўлса-да, ҳозир у бизгача етиб келиб улгурди. Россия ҳамда Ўзбекистон бозорларига телевизор деярли бир вақтда кириб келди ва мобил контентни томоша қилишдаги инқилобга сабаб бўлди.

«Sero» сўзи корейс тилида вертикал деган маънони англатади. Қурилма конструкциясидаги томоша қилиш пайтида 90 градусга бурилувчи экран унинг ҳақиқатда эътиборга молик жиҳатидир. Контентни смартфон ёки планшетда томоша қилгандек телевизорни ҳам вертикал ёки горизонталь йўналишда томоша қилишингиз мумкин. Шубҳасиз, ижтимоий тармоқ фойдаланувчилари учун бу хусусият янги таассуротлар тақдим этиши аниқ.

Альбом йўналиши фильм ёки ТВ дастурларни томоша қилиш учун фойдаланилса, мобил контентни телевизорда вертикал йўналишда томоша қилиш мақсадга мувофиқ. Қурилма кўрсатилаётган контент турини ўзи аниқлаб олади ҳамда томошабиннинг иштирокини талаб этмайди.

Бир тегишдаги инновацион бошқарув  

Instagram ёки Facebook фойдаланувчисимисиз? У ҳолда смартфон билан телевизор рамкасига тегишингиз кифоя ва тасвир автоматик тарзда гаджетингиз йўналишига мослашади. The Sero тасвир турини аниқлайди ва контентни қулай томоша қилишингиз учун бурилади.

Томошадаги қулайлик – бу ҳаммаси эмас, чунки контентга тўлиқ шўнғишингиз учун барча имкониятлар мавжуд. QLED экран, 4K аниқлик ҳамда 43 дьюм диагоналли телевизор гўё айнан оилангиз ва дўстларингиз даврасида видео ҳамда фото тасвирлардан баҳраманд бўлишингиз учун яратилгандек.

Концерт ёки мусиқий клиплар томоша қилишни истайсизми? Dolby Digital Plus кодеки билан мукаммал товушни тинглашингиз мумкин. Агарда байрам уюштириш тараддудида бўлсангиз, 4.1 канал ҳамда 60 ваттли акустик тизим Bluetooth орқали смартфонингиздаги тароналарни осонлик билан ижро эта олади.

The Sero билан самарали ишланг, дам олинг ҳамда ҳордиқ чиқаринг

The Sero телевизори билан ҳамма вақт қулайлик билан ишланг ёки дам олинг. Фойдаланиш вақти ҳамда контент турига қараб қурилманинг тасвир ёруғлиги автоматик тарзда энг оптимал ҳолатга созланади.

Ушбу телевизор билан ишлашингиз ҳам одатий қулай жараёнга айланади. Уйингизда масофавий иш фаолиятингиз учун барча шароитларни яратишингиз мумкин. Компьютерингиз экрани телевизорда акс эттирилади ва бу учун ортиқча симлардан фойдаланишга ҳожат йўқ. Агарда офисингиздаги компьютер ёки ноутбукка уланиш зарурати пайдо бўлса, буни ҳам The Sero телевизори ёрдамида уйингиздан амалга оширишингиз мумкин.

Қойилмақом бурилиш

Самсунг компанияси янги авлод ҳамда замонавий технологияларга урғу бермоқда. Вақти келиб бу каби телевизорлар одатий ҳолга айланиши сир эмас, аммо ҳозирда The Sero ягона. Ушбу ноёб модель хонадонингиз интерери билан уйғунлик яратади ҳамда мусиқа, видео ва иш фаолиятингиздан роҳатланишингизни таъминлайди. Бунинг устига телевизор ижтимоий тармоқ фойдаланувчиларининг барча талабларига ҳам жавоб беради.

Айтиш жоиз, International Forum (IF) Design Award 2020 халқаро мукофоти танловида Samsung Electronics 61 марта тақдирланди ва уларнинг иккитаси олтин мукофотлар эди. Ҳақли равишда ушбу олтинларнинг бирига The Sero телевизори сазовор бўлди.

Facebook: fb.com/SamsungUzbekistan

Instagram: @samsunguzbekistan

Telegram: t.me/SamsungUzbekistan

Сайт: samsung.uz

Реклама ҳуқуқи асосида