Қўшимча функционаллар
-
Тунги кўриниш
Икки қурбон ва пачоқ бўлган тўрт машина. Махтумқули кўчасидаги мудҳиш ЙТҲ тафсилотлари
9 октябрь куни Тошкент шаҳрининг Махтумқули кўчасида юз берган аянчли йўл-транспорт ҳодисаси оқибатида икки киши ҳалок бўлди, беш киши жиддий жароҳатлар билан шифохонага ётқизилди, тўртта автомобиль турли даражада шикастланди. Kun.uz мухбири воқеа жойига бориб, масъуллардан изоҳ олди.
“1992 йилда туғилган ҳайдовчи бошқарувидаги BMW русумли, 10 M 666 PA давлат рақам белгили транспорт воситаси “Ашхобод” боғи томондан “Технопарк” томонга ҳаракатланиб кетаётган вақтда бошқарувни йўқотиб, йўлни ўртасидан ажратувчи девордан ўтиб қарама-қарши томонга чиқиб кетади. Йўлнинг бу тарафида ўз йўналиши бўйича ҳаракатланиб келаётган Nexia-3 русумли транспорт воситаси билан тўқнашув содир қилади. ЙТҲ оқибатида жами 4 та машина турли даражада шикастланган”, дейди Тошкент шаҳар ИИББ ЙҲХБ ахборот хизмати раҳбари Қаҳрамон Худойберганов.
Маълум бўлишича, йўл-транспорт ҳодисаси оқибатида жиддий жабрланган Nexia-3 ҳайдовчиси ва йўловчиси тез тиббий ёрдам машинасида Тошкент тиббиёт академияси клиник шифохонасига олиб борилади. Бироқ кўрсатилган ёрдамга қарамай дастлаб ҳайдовчи, ундан бир неча соат ўтиб йўловчи вафот этади.
Ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 3-қисми билан жиноят иши қўзғатилган. Айни пайтда тергов ҳаракатлари олиб борилмоқда.
Мавзуга оид
12:24 / 08.01.2025
“Жарима чиптасизлар учун” – Тошкент автобусларида йўлкирани нақд пулда тўлайдиганларга жарима солиниши рад этилди
18:59 / 07.01.2025
“Эгасини туни билан қидирдим” — доллар тўла ҳамённи онахонга қайтарган сержант
16:47 / 07.01.2025
Тошкентдаги автобусларда йўлкирани нақд пул шаклида берганлар жаримага тортилади
12:38 / 05.01.2025