Шоҳжаҳон Эргашев камар учун илк жангида техник нокаутга учради

У фаолиятидаги илк жиддий жангда бешинчи раунддан кейин рингга қайтишни истамади.

АҚШнинг Лас-Вегас шаҳридаги Michelob Ultra Arena’да профессионал бокс оқшоми бўлиб ўтди.

Унда профессионал бокснинг супер енгил вазн тоифасида иштирок этаётган ўзбекистонлик Шоҳжаҳон Эргашев (23-1-0) IBF йўналиши чемпиони пуэрто-риколик Субриел Матиас (20-1-0) билан камар учун рингга кўтарилди.

12 раундга мўлжалланган жанг 5-раунддан кейиноқ якунланди. Шоҳжаҳон Эргашев жамоаси жангни давом эттирмасликка қарор қилди.

Ўзбекистонлик боксчи 1-раундни ўз фойдасига ҳал қилган бўлса-да, кейинги 4 та раундда ҳакамлар Матиаснинг устунлигини қайд этганди.

Шу тариқа, Эргашев жангда техник нокаут сабабли фаолиятидаги илк мағлубиятни тан олди.

Матиас эса фаолиятидаги 20-ғалабасини нишонлади ва у барча ғалабаларига муддатдан аввал эришган. Унинг рақиблари орасида 2019 йилда жангдан кейин вафот этган россиялик Максим Дадашев ҳам бор эди.

Тайёрлаган: Азиз Қаршиев

#бокс #Шоҳжаҳон Эргашев