Мексикада Туркия элчихонаси котибаси йўқолиб қолди 

Мехико бош прокуратураси Туркия элчихонаси котибасининг йўқолиб қолганини тергов қилмоқда.

“29 ёшли, миллати турк бўлган аёлнинг йўқолгани ҳақидаги ариза бўйича тергов бошланди. Унинг 2 июлдан бери қаердалиги номаълум”, деб айтилган хабарда.

Аёлнинг йўқолгани ҳақида Туркия элчихонаси маслаҳатчиси бу ҳақда прокуратурага хабар қилгандан кейин 25 июлда маълум бўлган. Аёл консулликда 2-котиба бўлиб ишлаган. Элчихона ходимлари маълумотларига кўра, у 2 июлдан 16 июлгача фақатгина электрон почта орқали алоқага чиққан ва ҳамкасбларига бетоблиги ҳамда шифохоналарга бориб юргани ҳақида маълум қилган.

Элчихона ходимлари хавотирланиб, унинг уйига 17 июлда келиб хабар қолдиришган. Бироқ жавоб бўлмаган ва фақатгина 23 июлда унинг электрон почтасидан ичида ҳеч қандай матн бўлмаган хат келган. Шундан кейин элчихона ҳуқуқ-тартибот идораларига мурожаат қилган.