Жиззахда М-39 йўлининг четида бўш турган ерлар тадбиркорларга таклиф этилади

Шу орқали 20 минг аҳолини доимий банд қилиш режалаштирилмоқда.

Президент Шавкат Мирзиёев раислигида ўтаётган йиғилишда Жиззах вилоятини ижтимоий-иқтисодий ривожлантириш масалалари муҳокама қилинмоқда.

Жиззах вилоятида туризм ва ижтимоий соҳани ривожлантириш масалалари кўриб чиқилди.

10 та маданий мерос объектида “Туризм ҳалқаси” яратилиши, уларга туризм маҳалласи мақоми берилиши белгиланди. “Туризм ҳалқаси” объектларига борадиган йўлларни таъмирлаш топширилди.

Халқаро М-39 йўлининг вилоят ҳудудидан ўтган 98 километр қисмидан кунига 40 минг автомобил қатнайди. Бу йўлни четида бўш турган 4 гектар ерлар тадбиркорларга таклиф қилинса, 20 минг аҳолини доимий банд қилиш мумкин

Айдар-Арнасой кўллари тизимида туризм учун етарли салоҳият бор. Уни рўёбга чиқариш мақсадида ҳукумат комиссияси тузилади.