Jizzaxda M-39 yo‘lining chetida bo‘sh turgan yerlar tadbirkorlarga taklif etiladi

Prezident Shavkat Mirziyoyev raisligida o‘tayotgan yig‘ilishda Jizzax viloyatini ijtimoiy-iqtisodiy rivojlantirish masalalari muhokama qilinmoqda.

Jizzax viloyatida turizm va ijtimoiy sohani rivojlantirish masalalari ko‘rib chiqildi.

10 ta madaniy meros obektida “Turizm halqasi” yaratilishi, ularga turizm mahallasi maqomi berilishi belgilandi. “Turizm halqasi” obektlariga boradigan yo‘llarni ta’mirlash topshirildi.

Xalqaro M-39 yo‘lining viloyat hududidan o‘tgan 98 kilometr qismidan kuniga 40 ming avtomobil qatnaydi. Bu yo‘lni chetida bo‘sh turgan 4 gektar yerlar tadbirkorlarga taklif qilinsa, 20 ming aholini doimiy band qilish mumkin

Aydar-Arnasoy ko‘llari tizimida turizm uchun yetarli salohiyat bor. Uni ro‘yobga chiqarish maqsadida hukumat komissiyasi tuziladi.