Ўзбекистонда “Муборак Рамазон ойини муносиб тарзда ўтказиш тўғрисида” президент қарори имзоланди. Унга кўра, 2022 йилги муборак Рамазон ойининг бошланиши 2 апрель кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.
![](https://storage.kun.uz/source/8/Qhmy7e05oxIELGULdUoUorw2_xmfo0P6.jpg)
Ўзбекистон мусулмонлари идорасидан маълум қилишларича, идора Уламолари кенгаши томонидан Ислом дини манбалари ва астрономик маълумотларга таянган ҳолда 2022 йилда Рамазон ойининг биринчи куни 2 апрел, шанба кунига тўғри келиши ҳақида хулоса қилинган.
Аввалроқ Тошкент шаҳридаги масжидларда таровиҳ намозларининг кунлик тақсимоти эълон қилинган эди.
Унга кўра, хатми Қуръон рўзанинг биринчи кунидан бошланиб, 27 сана – Қадр кечасида якунланиши мўлжалланмоқда.