Трамп YouTube офисидаги отишмага изоҳ берди

Фото: JEFF CHIU/AP

АҚШ президенти Дональд Трампнинг маълум қилишича, уни YouTube қароргоҳидаги отишмадан хабардор этишган. Бу ҳақда Қўшма Штатлар етакчиси твиттердаги саҳифасида ёзди.

«Ҳозиргина мени YouTube’нинг Калифорния штати Сан-Бруно шаҳридаги қароргоҳида юз берган отишма ҳақида хабардор этишди. Бизнинг ўй-хаёлларимиз ушбу ҳодисада иштирок этганлар билан. Бизнинг ажойиб ҳуқуқни муҳофаза қилувчи органларга ва бу воқеага беэътибор бўлмаган барчага раҳмат», - дея ёзди Трамп.

Аввалроқ полиция YouTube қароргоҳида рўй берган отишма сабаб қанча одам жабрланганига аниқлик киритгани ҳақида хабарлар тарқалганди.

Тайёрлаган: Отабек Матназаров

#Дональд Трамп #YouTube