Такси хизматлари йўловчилар ташиш фаолиятини тиклади

Республика махсус комиссиясининг қарорига мувофиқ, 30 апрелдан эътиборан фуқароларга иш жойига бориб келиш, тиббий буюмлар, дори воситалари, озиқ-овқат ва биринчи навбатда зарур бўлган маҳсулотларни харид қилиш учун соат 07:00 дан 10:00 га ҳамда соат 17:00 дан 20:00 га қадар барча турдаги шахсий ва хизмат енгил автотранспорт воситалари (йўловчилар билан бирга), шу жумладан, велосипед ва мототранспортларда махсус рухсатномасиз ҳаракатланишга рухсат берилди.

Бугунги кунда такси компаниялари етказиб бериш хизматларидан ташқари йўловчилар ташишни ҳам бошлади.

«Барча фуқароларга йўловчилар билан автомобилда ҳаракатланиш рухсат берилгани сабабли, «Мини», «Эконом», «Комфорт» ва «Бизнес» тариф режалари иши тикланганлиги ҳақида мамнуният билан хабар берамиз. Энди сиз MyTaxi хизматларидан кунинг маълум қисмида, аниқроғи соат 07:00 дан 10:00 гача ва 17:00 дан 20:00 гача фойдаланишингиз мумкин», - дея хабар берган MyTaxi.