Ўзбекистон қишки Олимпиадада 2 нафар спортчи билан қатнашади

Медет Назаров тоғ чанғисининг слалом ва гигант-слалом, Даниил Ейбог эса шорт-трекнинг 500 метр масофага югуриш мусобақасида Ўзбекистон шарафини ҳимоя қилади. Фигурали учишнинг жуфтлик йўналишида йўлланма олган Дмитрий Чигирев ва Екатерина Гейниш нуфузли мусобақада қатнашолмайди: тайёргарлик жараёнида жароҳат олган Чигирев Олимпиадагача тиклана олмади.

Фото: Миллий олимпия қўмитаси

6-22 феврал кунлалри Италиянинг Милан ва Кортина-д’Ампеццо шаҳарларида ўтказиладиган қишки Олимпиада ўйинларида Ўзбекистон 2 нафар спортчи билан қатнашади.

Миллий олимпия қўмитаси хабарига кўра, Медет Назаров тоғ чанғисининг слалом ва гигант-слалом, Даниил Ейбог эса шорт-трекнинг 500 метр масофага югуриш мусобақасида Ўзбекистон шарафини ҳимоя қилади.

Аслида, қўлга киритилган йўлланмалар сони 4 та эди: Дмитрий Чигирев ва Екатерина Гейниш фигурали учишнинг жуфтлик йўналишида саралашдан ўтган эди. Лекин Чигирев тайёргарлик жараёнида жароҳат олиб, Олимпиадагача тиклана олмади.

Мустақил Ўзбекистон байроғи остида спортчилар 1994 йилдан бери барча қишки олимпиада ўйинларида иштирок этмоқда. Энг кўп вакил айнан шу йили Норвегиянинг Лиллеҳаммер шаҳридаги ўйинларда қайд этилган – 7 нафар. Шунингдек, Ўзбекистон қишки олимпиадалардаги ягона медалини ҳам шу йили қўлга киритган – Лина Черязова чанғида фристайл спорт турида олтин медал.

4 йил олдин Пекинда ўтказилган қишки Олимпиада ўйинларида Ўзбекистон бир нафар спортчи билан қатнашган эди – Комилжон Тўхтаев тоғ-чанғи спорт турида.