Қўшимча функционаллар
-
Тунги кўриниш
1-синфга қабул қачондан бошланиши маълум қилинди
Халқ таълими вазирлигининг хабар беришича, 2022/2023 ўқув йилига қабул 20 июндан бошланади ва 31 июлгача давом этади.
Фото: KUN.UZ
“Умумтаълим мактабларининг ўқувчи ўрни, малакали педагог кадрлар билан таъминланганлиги, синф хоналарининг ўқув мебеллари билан жиҳозланганлигидан келиб чиқиб, умумтаълим мактабларининг бўш ўринларига микроҳудуддан ташқари қўшимча қабул жараёнлари 2022 йилнинг 1-15 август кунлари амалга оширилади”, деб маълум қилди Халқ таълими вазирлиги.
Қайд этилишича, Тошкент шаҳри, Қорақалпоғистон Республикаси ва вилоятларнинг марказидаги умумтаълим мактабларида 1-синфга қабул жараёнлари электрон шаклда амалга оширилади.
Қолган ҳудудлар Қорақалпоғистон Республикаси ва вилоятларнинг бошқа туман (шаҳар)ларидаги умумтаълим мактабларида 1-синфга қабул анъанавий шаклда, яъни бевосита мактабда амалга оширилади.
Амалдаги қонун ҳужжатларига мувофиқ болалар 7 ёшга тўладиган йилда 1 синфга қабул қилинади. Яъни, янги 2022-2023 ўқув йилида 2015 йилнинг 1 январидан 31 декабрига қадар туғилган болалар 1-синфга қабул қилинади.
“Қабул жараёнлари ҳақида қўшимча маълумот олиш учун мактаб маъмуриятига мурожаат қилишингиз мумкин”, дейилади вазирлик хабарида.
Мавзуга оид
21:43 / 07.04.2023
Инсон ҳуқуқлари фаоли Ўзбекистонда болалар зўравонлиги камаймаётгани сабаблари ҳақида гапирди
11:34 / 07.04.2023
Жиноятга айланган “оилавий зўравонлик”, жазоси оғирлаштирилган жинсий тажовуз – аёллар ва болалар ҳимояси кучайтирилади
10:53 / 18.03.2023
Каттақўрғонда болаларини қийнаган аёлга жиноят иши қўзғатилди
13:05 / 16.03.2023